आदीवासी विद्यार्थ्यांना विद्यावेतन

गरिबीमुळे आदिवासी विदयार्थी विदयार्थींनींचे शाळेत उपस्थित राहण्याचे प्रमाण कमी आहे ते नियमित शाळेत उपस्थित रहावेत याकरिता मोफत गणवेश,पुस्तके पुरविणेत येत असली तरीही ती शाळेत येत नाहीत म्हणून त्या मुलांना शाळेत येण्याकरिता प्रोत्साहन मिळावे या उद्देशाने त्यांना विदयावेतन देण्याची योजना शासन निर्णय समाजकल्याण,सांस्कृतिक कार्य विभाग क्रमांक टीएसी-1377/इडी-22607/1208-एसी-15/पर्यटन दिनांक 11 ऑगस्ट 1977 अन्वये राबविणेत येत आहे.या योजनेद्वारे अनुसूचित जमातीच्या इयत्ता 5 वी ते 10 वी च्या विदयार्थ्यांना रुपये 500/- सरासरी विदयावेतन देण्यांत येते.(इयत्ता 5 वी ते 7 वी मुलांना रुपये 40/- तर मुलींना रुपये 50/- व इयत्ता 8 वी 10 वी च्या मुलांना रुपये 50/- तर मुलींना रुपये 60/- इतके विदयावेतन संबंधित विदयार्थ्याना अदा केले जाते. ज्या ठिकाणी राहण्याची व जेवणाची सोय असते अशा आश्रम व निवासी शाळेतील विदयार्थी विद्यावेतनास पात्र ठरतात.विदयावेतन मिळण्यासाठी चांगली वर्तणूक व कमीत कमी 75 टक्के उपस्थिती असणे आवश्यक तसेच अनुसूचित जमातीचे प्रमाणपत्र सादर करणे आवश्यक या अटी आहेत.