स्मार्ट शिक्षणाचा शुभारंभ - डिजिटल युगाकडे जिल्हा परिषद शाळेची वाटचाल

राजर्षी शाहू महाराज सोशल फाउंडेशन व मा. माणिकराव डावरे सर (प्रो. प्रोफाइव इंजिनिअरिंग) यांच्या संयुक्त उपक्रमातून, जिल्हा परिषद प्राथमिक शाळा नांदगाव, तालुका भोर, जिल्हा पुणे येथे विद्यार्थ्यांच्या सशक्त भविष्यासाठी एक महत्त्वपूर्ण पाऊल उचलण्यात आले.

आज या शाळेला स्मार्ट टीव्ही भेट देण्यात आला. या आधुनिक साधनामुळे आता विद्यार्थ्यांना डिजिटल शिक्षण घेण्याची संधी उपलब्ध झाली आहे. शाळेचे मुख्याध्यापक मा. रमेश धर्माजी शेटे सर आणि शिक्षकांनी सांगितले की, "ही डिजिटल प्रणाली विद्यार्थ्यांच्या अध्ययनक्षमतेत निश्चितच सकारात्मक बदल घडवेल."

कार्यक्रमावेळी विद्यार्थ्यांमध्ये आनंदाचे वातावरण निर्माण झाले होते. या उपक्रमाच्या यशस्वीतेसाठी मा. गणेश चऱ्हाटे (राजर्षी शाहू महाराज सोशल फाउंडेशन) यांचे विशेष योगदान राहिले, त्यांच्या कार्याची उपस्थितांनी प्रशंसा केली.

???? खास आकर्षण:
इ. १ लीच्या विद्यार्थ्यांचे पायाचे ठसे घेऊन त्यांचे अनोख्या पद्धतीने स्वागत करण्यात आले. तसेच गुलाबाचे फूल देऊन त्यांचा सत्कार करण्यात आला.

???? शैक्षणिक साहित्य वाटप:
सर्व विद्यार्थ्यांना शिंदे परिवार यांच्या वतीने वह्या व इतर शैक्षणिक साहित्य वितरित करण्यात आले, ज्यामुळे विद्यार्थ्यांच्या चेहऱ्यावर समाधान दिसून आले.

???? कार्यक्रमाला उपस्थित मान्यवर:

• सौ. भाग्यश्री गणेश चऱ्हाटे (सरपंच, नांदगाव)

• रावसाहेब चऱ्हाटे (मा. उपसरपंच)

• ईश्वर चऱ्हाटे

• स्वप्नाली संदीप बर्डे (शाळा व्यवस्थापन समिती अध्यक्ष)

• अरुण चऱ्हाटे (शाळा व्यवस्थापन समिती तज्ञ मार्गदर्शक)

• निलेश विठ्ठल कुडले (मा. सरपंच)

• पांडुरंग सावंत (आपटी विकास सोसायटी सदस्य)

• विजय चऱ्हाटे, बापू कुडले (प्रहार ता. अध्यक्ष)

• मिलिंद भातुसे, दिनकर चऱ्हाटे, सोनम चऱ्हाटे

• राजू मारणे, शिवाजी खोपडे, किरण कुडले

• गणेश चऱ्हाटे, पंढरीनाथ चऱ्हाटे, रघुनाथ मांढरे आणि अनेक ग्रामस्थ उपस्थित होते.

हा उपक्रम विद्यार्थ्यांच्या भविष्यासाठी मैलाचा दगड ठरणार आहे. डिजिटल शिक्षण हे काळाची गरज आहे, आणि नांदगावच्या शाळेने या दिशेने पहिले पाऊल टाकले आहे, हे निश्चितच कौतुकास्पद आहे.